अघि बढ्यो ओम मेगाश्री फर्मास्युटिकल्सले राेयल फर्मास्युटिकल्सलाई प्राप्ति गर्ने प्रक्रिया

काठमाडौं - नेपाल स्टक एक्सचेन्ज (नेप्से)मा सूचीकृत नेपालकै पहिलो फर्मा कम्पनी ओम मेगाश्री फर्मास्युटिकल्सले राेयल फर्मास्युटिकल्स प्रालिलाई प्राप्ति (एक्विजिसन) गर्ने प्रक्रिया अघि बढाउने भएको छ। बुधबार काठमाडौँको नयाँबानेश्वरस्थित कम्पनी कार्यालयमा दुई पक्षबीच प्रारम्भिक सम्झौता पत्रमा हस्ताक्षर गरिएको हो।

सम्झौतामा ओम मेगाश्रीका अध्यक्ष अर्जुनकुमार श्रेष्ठ र रोयल फर्मास्युटिकल्सका तर्फबाट अबिरल नेपाल सहभागी भएका थिए। सहमतिअनुसार दुवै कम्पनीको सिफारिसमा स्वतन्त्र समिति गठन गरी ड्यु डिलिजेन्स (डीडीआई) गरिनेछ। उक्त मूल्याङ्कन प्रतिवेदनका आधारमा अन्तिम प्राप्ति प्रक्रिया अघि बढाइनेछ।