केप भर्डेका गोलकिपर वोझिन्हाकी आमालाई दिइयो विश्वकपका लागि भिसा

अमेरिका । केप भर्डेका स्टार गोलकिपर वोझिन्हाकी आमा आना क्यान्डिडा एभोरालाई संयुक्त राज्य अमेरिका प्रवेश गर्नका लागि भिसा प्रदान गरिएको छ । अब आफ्नो ४० वर्षीय छोरासँग विश्वकप खेलका क्रममा उनको भेट हुने पक्का भएको छ ।

अमेरिकी प्रतिनिधि सभाका डेमोक्रेटिक नेता हाकिम जेफ्रीजले बुधबार सामाजिक सञ्जालमार्फत जानकारी दिँदै भनेका छन्, ‘वोझिन्हालाई उनकी आमाले आइतबार हुने केप भर्डे र उरुग्वेबीचको खेलअघि मियामीमा भेट्नेछिन् ।’