‘बालेनको पुलिस होइनौँ’ भन्ने डीएसपी जिल्ला तानिएको विषयमा बोले प्रहरी प्रवक्ता

काठमाडौँ । नेपाल प्रहरीका केन्द्रीय प्रवक्ता प्रहरी नायब महानिरीक्षक (डीआईजी) अबिनारायण काफ्लेले इलाका प्रहरी कार्यालय सुखड कैलालीका प्रमुख प्रहरी नायब उपरीक्षक (डीएसपी) प्रसन्नराज चौधरीलाई कारबाहीस्वरूप जिल्ला तानिएको भन्ने समाचार सही नभएको दाबी गरेका छन्।

कैलालीमा आयोजित लागुऔषधविरुद्धको सचेतनामूलक कार्यक्रममा दिएको अभिव्यक्तिपछि डीएसपी चौधरीलाई जिल्ला प्रहरी कार्यालय कैलालीमा बोलाइएको विषयमा प्रतिक्रिया दिँदै प्रवक्ता काफ्लेले उनलाई कुनै औपचारिक कारबाही वा निलम्बन नगरिएको बताए ।