पौडी खेल्ने क्रममा सुर्खेतमा डुबेर एक जनाको मृत्यु

सुर्खेत । सुर्खेतमा पौडी खेल्ने क्रममा डुबेर एक जनाको मृत्यु भएको छ । मृत्यु हुनेमा वीरेन्द्रनगर नगरपालिका–११ सुब्बाकुना बस्ने २० वर्षीया मनोज ठाडामगर रहेका छन् ।

जिल्ला प्रहरी कार्यालय सुर्खेतका प्रवक्ता प्रहरी नायव उपरीक्षक कवीन्द्रसिंह बोहोराका अनुसार गएराति ९ बजेतिर झुप्रा खोलामा पौडी खेल्ने क्रममा मनोज डुबेका थिए ।