ह्यारी र मेघन चार वर्षपछि पहिलो पटक परिवारसहित बेलायत जाँदै

बेलायत : बेलायतका राजकुमार ह्यारी मेघन र उनको परिवार आगामी महिना बेलायत भ्रमणमा जाने भएका छन् । बेलायती सञ्चारमाध्यम बीबीसी, टेलिग्राफ र आईटीभी न्यूजका अनुसार ड्युक तथा डचेस अफ ससेक्स ह्यारी र मेघन कार्केल आफ्ना दुई सन्तान आर्ची (७) र लिलिबेट (५) सहित बेलायत जाने अपेक्षा गरिएको छ । परिवारका रूपमा उनीहरूको यो चार वर्षयताकै पहिलो बेलायत भ्रमण हुनेछ ।

हाल क्यालिफोर्नियामा बसोबास गरिरहेका ह्यारी र मेघनले सन् २०२० मा राजपरिवारको सक्रिय भूमिकाबाट पछि हट्दै उत्तर अमेरिका सरेका थिए । त्यसयता उनीहरू र बेलायती राजपरिवारबीचको सम्बन्ध सार्वजनिक रूपमा चिसिएको छ । टेलिभिजन अन्तर्वार्ता तथा आत्मकथामार्फत ससेक्स दम्पतीले बेलायत छोड्नुका कारण ट्याब्लोइड सञ्चारमाध्यमको अत्यधिक हस्तक्षेप, बेलायती संस्थाहरूमा रहेको जातीय विभेद, अनलाइन दुव्र्यवहार, जटिल पारिवारिक सम्बन्ध तथा आर्थिक स्वतन्त्रताको चाहना रहेको बताएका थिए ।