भोलि काठमाडौंमा नेपालको भविष्य मन्थन

४ असार, काठमाडौं । अभियन्ता एवं युवा नेता अब्दुस मिया नेतृत्वको नेपाल फ्युचर फोरमले काठमाडौंमा नेपालको नीति र सम्भावनाबारे सम्मेलन गर्ने भएको छ ।

भृकुटीमण्डपस्थित नेपाल प्रहरी क्लबको हलमा भोलि, शुक्रबार बिहान ११ बजेदेखि साँझ ५ बजेसम्म हुने सम्मेलनमा नेपालको अर्थतन्त्र, लोकतन्त्र, प्रविधि लगायतबारे विमर्श गरिँदैछ। आयोजकका अनुसार राष्ट्रिय योजना आयोगका पूर्वउपाध्यक्ष तथा अर्थशास्त्री डा. प्रकाश श्रेष्ठले आर्थिक सम्भावनाका दृष्टिले सन् २०३५ सम्मको नेपालबारे बोल्नेछन् ।