चिकित्सा शिक्षामा सरकारी हस्तक्षेपविरुद्ध डा. गोविन्द केसीको आक्रोश, सत्याग्रहको चेतावनी

काठमाडौं- चिकित्सा शिक्षा सुधारका अभियान्ता प्रा.डा. गोविन्द केसीले सरकारले चिकित्सा शिक्षा लगायतका क्षेत्रमा विधि र ऐन विपरीत निर्णयहरू गर्दै राजनीतिक हस्तक्षेप बढाएको भन्दै आपत्ति जनाएका छन्। सोमबार एक प्रेस विज्ञप्ति जारी गर्दै डा. केसीले विधिको शासन स्थापित गर्ने र राजनीतिक हस्तक्षेप नगर्ने वाचासहित आएको वर्तमान सरकारले आम नेपालीको स्वास्थ्यमा दीर्घकालीन नकारात्मक प्रभाव पार्ने गरी निरन्तर स्वार्थपरक निर्णयहरू गरिरहेको आरोप लगाएका हुन्।

अध्यादेशमार्फत सबै उच्च पदाधिकारीहरू हटेका कारण चिकित्सा शिक्षा आयोग हप्तौंदेखि नेतृत्वविहीन भएको मौका छोपेर सरकारले ऐन र नियम मिच्ने काम गरेको उनले उल्लेख गरेका छन्।