नर्वेका प्रधानमन्त्रीको खुलासा : जेलेन्स्की सवार विमान रुसी ड्रोन हमलाबाट मुश्किलले जोगियो

ओस्लो- युक्रेनका राष्ट्रपति भोलोदिमिर जेलेन्स्कीको विमान मंगलबार मोल्दोभाबाट उडान भर्ने क्रममा ड्रोन हमलामा पर्नबाट जोगिएको नर्वेका प्रधानमन्त्री जोनास गार स्टोरेले खुलासा गरेका छन्।

स्टोरेले बुधबार सरकारी टेलिभिजनसँग कुरा गर्दै जेलेन्स्कीको विमान मोल्दोभाबाट उडान भर्नै लाग्दा एउटा ड्रोन विमाननजिक आएको दाबी गरेका हुन्। यद्यपि, उनले ड्रोन विमानबाट कति दूरीमा थियो र आफूले यो जानकारी कहाँबाट प्राप्त गरेको भन्ने खुलाएनन्।