बाढीपीडितको मुख स्वास्थ्य परीक्षण, निःशुल्क सामग्री वितरण

नुवाकोट- डेन्टल साइन्स हाइजिनिस्ट एसोसिएसन अफ नेपालले विदुर नगरपालिकाका विभिन्न बाढीपीडित आश्रयस्थलमा रहेका करिब ३०० जनाको मुख स्वास्थ्य परीक्षण गरेको छ।

९ सेप्टेम्बरमा आयोजित कार्यक्रममा बाढीपीडितको मुख स्वास्थ्य परीक्षणसँगै दाँत माझ्ने सही तरिका, मुखको सरसफाइ तथा मुखसम्बन्धी रोगको रोकथामबारे सचेतना दिइएको थियो। उनीहरूलाई निःशुल्क दाँत तथा मुखको सरसफाइ सामग्रीसमेत वितरण गरिएको थियो।