महाकाली पारिको दोधारा चाँदनीमा निर्माणाधीन सुक्खा बन्दरगाह हेरेर समृद्धिको सपना सजाउँदै स्थानीय

धनगढी । कञ्चनपुरको दोधारा–चाँदनी नगरपालिकालाई ‘महाकालीपारिको नेपाल’ भनेर चिनिन्छ । कुनै समय यहाँका बासिन्दाको सम्पर्क महाकालीवारिको नेपाली भूमिसँग विरलै हुन्थ्यो । महाकाली नदी तर्न सहज थिएन । सरकारी कामकाजका लागि महेन्द्रनगर आउनु पर्दा कि त डुङ्गाको सहारा लिनुपर्थ्यो, कि त भारतीय बाटो प्रयोग गर्नुपर्ने बाध्यता थियो ।

वर्षौंसम्म दोधारा–चाँदनीका बासिन्दाले राज्यबाट उपेक्षित र हेपिएको महसुस गरे । उनीहरूको दैनिक जीवनको अभिन्न हिस्सा नेपालभन्दा बढी छिमेकी मुलुक भारतसँग जोडिएको थियो ।