नेपाल एसीसी प्रिमियर कप क्रिकेट प्रतियोगिताको फाइनलमा

काठमाडौं । ओमानलाई पराजित गर्दै नेपाल एसीसी प्रिमियर कप क्रिकेट प्रतियोगिताको फाइनलमा पुगेको छ ।

मलेसियाको बायुमास ओभरल क्रिकेट मैदानमा आज भएको सेमिफाइनल खेलमा नेपालले ओमानमाथि ८७ रनको जित निकाल्दै प्रतियोगिताको फाइनलमा पुगेको हो । नेपालले जितको लागि दिएको १४८ रनको सामान्य लक्ष्य पछ्याएको ओमान २८ दशमलव १ ओभरमा सबै विकेट गुमाउँदै ६० रनमा समेटिएको हो ।