सम्पर्कविहीन प्रियजन सकुशल भेटिने आशा कायम राखौँ : मन्त्री श्रेष्ठ

काठमाडौं – ऊर्जा, जलस्रोत तथा सिँचाइ मन्त्री विराजभक्त श्रेष्ठले बाढीका कारण उत्पन्न अकल्पनीय विपद्को कठिन घडीमा आशा कायम राख्दै उद्धार तथा खोजी कार्यलाई निरन्तरता दिन आग्रह गरेका छन् ।

मन्त्री श्रेष्ठले सामाजिक सञ्जालमार्फत बाढीका कारण धेरै अमूल्य जीवन गुमेको र कैयौँ परिवारले अभिभावक, सन्तान, दाजुभाइ–दिदीबहिनी तथा प्रियजन गुमाउनुपरेको उल्लेख गरेका छन् । घरबार र सहारा दुवै गुमाएर पीडामा रहेका परिवारप्रति उनले दुःख व्यक्त गरेका छन् ।