कानुनमन्त्रीलाई रेणु चन्दले भनिन् सक्नुहुन्न भने कुर्सी छाड्नुस्

राष्ट्रिय सभाकी सदस्य रेणु चन्दले कानुन, न्याय तथा संसदीय मामिलामन्त्री सोविता गौतमलाई आफ्नो जिम्मेवारी पूरा गर्न नसके पदबाट राजीनामा दिन आग्रह गरेकी छन्। मन्त्री गौतमले राष्ट्रिय सभामा राष्ट्रिय स्वतन्त्र पार्टीको प्रतिनिधित्व नभएका कारण कानुन निर्माणमा असहयोग भएको अभिव्यक्ति दिएको भन्दै चन्दले त्यसप्रति आपत्ति जनाएकी हुन्।

उनले मन्त्री गौतमले राष्ट्रिय सभामाथि दोष थोपरेर आफ्नो असक्षमता ढाक्न खोजेको र जनतालाई मिथ्या सूचना दिएको आरोप लगाइन्।