अस्थिर टिम र विवादास्पद कार्यशैली — स्थिरताको परीक्षामा कता जाँदैछ बालेन सरकार ?

बालेन सरकार गठन भएको गत भदौ १३ गते पाँच महिना पूरा भएको छ। सरकारले आफ्नो पहिलो वर्षको आधा कार्यकाल पार गर्न लाग्दा मन्त्रीहरूको कार्यशैली र विवादका कारण तीन जना मन्त्रीले राजीनामा दिइसकेका छन्। जसमा एक जनाले पुनः पदबहाली गरेका छन् भने दुई जनाको पद गुमेको छ।

आज बिहीबार मात्रै उद्योगमन्त्री गौरीकुमारी यादवले राजीनामा दिइन्। बजारमा ग्यासको अभाव भएको समयमा उद्योगीहरूले कालोबजारी गरेको भन्दै उनले बुधबार संसदीय समितिमा 'ग्यास उद्योगीहरूलाई पाता फर्काउनुपर्छ' भन्ने विवादास्पद अभिव्यक्ति दिएकी थिइन्। उनको यो गैरजिम्मेवार र आक्रामक अभिव्यक्तिको चौतर्फी विरोध भएपछि उनले पदबाट बाहिरिनु परेको छ। मन्त्रीको जिम्मेवारीमा बसेको व्यक्तिबाट संयमताको अपेक्षा गरिए पनि यस्ता अभिव्यक्तिले सरकारको छविमाथि नै प्रश्न उठाएको छ।