संकटका बेला पहाड र मधेसले एकअर्कालाई सहयोग गर्ने हाम्रो संस्कृति हो : प्रचण्ड

काठमाडौँ । नेपाली कम्युनिस्ट पार्टी (नेकपा) का संयोजक पुष्पकमल दाहाल ‘प्रचण्ड’ ले देशले महाप्रलयको सामना गरिरहेको बेला सम्पूर्ण देशवासीको साथ र सहयोग आवश्यक रहेको बताएका छन्।

सिरहाको मिर्चैया नगरपालिका-५ स्थित मोहन नमुना माध्यमिक विद्यालयको नवनिर्मित भवन तथा विज्ञान प्रविधि प्रदर्शनीको उद्घाटन गर्दै पूर्वप्रधानमन्त्रीसमेत रहेका प्रचण्डले भर्खरै रसुवाको भोटेकोशीमा आएको बाढीको महाविपत्तिले देश संकटमा परेकाले सबैलाई सहयोग गर्न अपिल गरेका हुन्।