अस्पताल बाहिरै प्रसूति भएको घटनामा स्वास्थ्य मन्त्रीको चासो, छानबिन टोली राजविराज पठाइयो

राजविराजस्थित गजेन्द्रनारायण सिंह सगरमाथा अस्पताल परिसरबाहिरै महिलाले शिशु जन्माएको घटनाप्रति स्वास्थ्य मन्त्री निशा मेहताले गम्भीर ध्यानाकर्षण बताएकी छिन्।

अस्पतालमा उपचारका लागि पुगेकी महिलाले अस्पताल परिसरबाहिरै प्रसूति हुनुपरेको घटना सार्वजनिक भएपछि मन्त्रालयले घटनालाई गम्भीरतापूर्वक लिँदै तत्काल छानबिन प्रक्रिया अघि बढाएको हो।