विपद्‌मा संघले प्रदेश र स्थानीय तहलाई दलगत चस्माले हेर्‍यो : रामकुमारी झाँक्री

२५ भदौ, काठमाडौं । नेकपा एमालेकी सांसद रामकुमारी झाँक्रीले संघीय सरकारले प्रदेश र स्थानीय तहलाई दलगत दृष्टिकोणले हेर्दा विपद् व्यवस्थापनमा प्रभावकारी समन्वय हुन नसकेको आरोप लगाएकी छन्।

बिहीबार राष्ट्रिय सभाको बैठकमा बोल्दै सांसद झाँक्रीले रसुवाको भोटेकोशी बाढीपछिको अवस्थामा सरकार सामाजिक सञ्जालमा मात्र सीमित नभई प्रत्यक्ष रूपमा देखिने गरी काम गर्नुपर्ने बताइन्। सरकारले सामाजिक सञ्जालमार्फत नागरिकमा भ्रम छर्ने कार्य गरिरहेको भन्दै उनले तीव्र असन्तुष्टि जनाएकी छन्।