चौथो ताप्लेजुङ गोल्डकप : गृह मैदानमा आयोजकको टीम जर्जियन एफसीद्धारा स्तब्ध

ताप्लेजुङको फुङलिङमा सुरु चौथो संस्करणको ताप्लेजुङ गोल्डकपमा भारतको कालिम्पोङको जर्जियन युनाइटेड फुटबल क्लबले विजयी सुरुवात गरेको छ। आयोजक ताप्लेजुङ–११ लाई घरेलु मैदानमा २–१ गोलअन्तरले स्तब्ध पार्दै प्रतियोगिताको एकमात्र अन्तर्राष्ट्रिय टोली जर्जियन युनाइटेडले सेमिफाइनलमा स्थान बनाएको हो।

मध्यन्तरपछिको चौथो मिनेटमा डिक्वस एरियाको बाँया भागबाट प्रहार गरेका जर्जियनका कप्तान गुन्जमान थापाको प्रहारप्रति ताप्लेजुङ–११ का गोलरक्षक आकाश लिम्बूले भेउ पाउन सकेनन् र बलले सिधै जाली चुम्यो।