साक्षर जिल्ला घोषणा भए पनि जुम्लामा अझै हजारौँ निरक्षर

राज्यले विद्यालय विस्तार, निःशुल्क शिक्षा, साक्षरता अभियान र शिक्षामा पहुँच बढेको दाबी गरिरहँदा जुम्ला को पछिल्लो तथ्यांकले भने फरक यथार्थ उजागर गरेको छ। राष्ट्रिय जनगणना २०७८ अनुसार जिल्लाका हजारौँ नागरिक अझै पढ्न–लेख्न नसक्ने अवस्थामा छन्। अझ गम्भीर पक्ष, पुरुष र महिलाबीचको साक्षरताको खाडल अहिले पनि गहिरो देखिएको छ।

जिल्लाका अधिकांश स्थानीय तहमा पुरुष साक्षरता दर ७० देखि ८० प्रतिशतभन्दा माथि पुगेको छ। तर महिलाको साक्षरता दर अझै ५० देखि ६५ प्रतिशतको सीमाभित्र छ। यसले शिक्षा पहुँचमा लैंगिक समानता अझै स्थापित हुन नसकेको स्पष्ट देखाउँछ।