चीनविरुद्ध गुप्तचरी विस्तार गर्दै सीआईएः आर्थिक र प्राविधिक प्रतिस्पर्धालाई ‘सुरक्षा खतरा’ बनाउने प्रयास

एजेन्सी । शीतयुद्ध समाप्त भएको दशकौं बितिसक्यो तैपनि यससँग निकै नजिकबाट जोडिएको संस्था सीआईए आफू अझै असान्दर्भिक भइनसकेको प्रमाणित गर्न कटिबद्ध देखिन्छ ।

अमेरिकाले चीनविरुद्ध अझ व्यापक दायरामा जासुसी गतिविधिहरू सञ्चालन गरिरहेको मंगलबार सीआईएको उपनिर्देशक माइकल एलिसले सार्वजनिक रूपमा बताए । उनको दृष्टिकोणमा चीन र अमेरिकाबीचको प्रतिस्पर्धा आर्थिक प्रकृतिको भएकाले कृत्रिम बौद्धिकता (एआई), अर्धचालक (सेमिकन्डक्टर) र जैविक प्रविधि (बायोटेक्नोलोजी) जस्ता क्षेत्रमा चिनियाँ कम्पनीहरूसँग रहेका जानकारीलाई पनि सीआईएको लागि गुप्तचरी सूचना मान्न सकिन्छ ।