गजेन्द्रनारायण सिंह अस्पतालको घटनाबारे छानबिन गर्न कांग्रेस मधेसको माग

धनुषा । राजविराजस्थित गजेन्द्रनारायण सिंह सगरमाथा अस्पतालमा पैसाको अभावमा सुत्केरी महिलालाई भर्ना नलिएको र फुटपाथमा नै बच्चा जन्माउन बाध्य पारिएको घटनाप्रति नेपाली कांग्रेस, मधेस प्रदेशले आपत्ति जनाएको छ।

कांग्रेस मधेस प्रदेशको सूचना तथा सञ्चार विभागले बिहीबार प्रेस विज्ञप्ति जारी गर्दै घटनालाई स्वास्थ्य प्रणालीको चरम लापरबाही र अमानवीय कार्यको संज्ञा दिएको छ।