फुटपाथमै बच्चा जन्माएको घटनामा छानबिन गर्न कांग्रेसको ध्यानाकर्षण

२५ भदौ, काठमाडौं । नेपाली कांग्रेस मधेश प्रदेशले राजविराजस्थित गजेन्द्र नारायण सिंह सगरमाथा अस्पतालमा उपचारका लागि पुगेकी एक विपन्न महिलालाई आर्थिक अभावका कारण उपचार नपाउनु गम्भीर विषय भएको जनाएको छ।

सामाजिक सञ्जालमा सार्वजनिक भएका तस्वीर तथा भिडियोमा महिलाले अस्पताल परिसरबाहिर प्रसूति गराउन पर्नुले स्वास्थ्य सेवा तथा अस्पतालको व्यवस्थापनमाथि गम्भीर प्रश्न उठाएको कांग्रेसले जनाएको छ। कांग्रेस मधेस प्रदेशका प्रचार प्रमुख नितेश कुमार गुप्ताले आर्थिक अवस्था कमजोर भएकै कारण कुनै पनि नागरिक स्वास्थ्य उपचारबाट वञ्चित हुनुपर्ने अवस्था गम्भीर रहेको बताए।