टेस्लाको प्रेरणाले गुगलको साम्राज्य खडा गरेका ल्यारी पेज

काठमाडौं । टेस्ला भन्नासाथ हामी सबैले स्वाभाविक रूपमा आकर्षक विद्युतीय गाडी सम्झन्छौं । महान् वैज्ञानिक निकोला टेस्लाबाट यो गाडीको नाम राखिएको हो । टेस्लाको कहानी दुःखद छ । उनले बिजुली र सञ्चार क्षेत्रमा संसार बदल्ने आविष्कार गरे । तर व्यावसायिक रूपमा असफल हुँदा उनले गरिबीमा जीवन गुजार्नुपर्‍यो ।

उनै टेस्लाको जीवनी पढेर आँसु खसालेका ल्यारी पेजले १२ वर्षको उमेरमै अठोट गरेका थिए, ‘आविष्कार गरेर मात्रै पुग्दैन, त्यसलाई मानिसको हातसम्म पुर्‍याउन एउटा सफल कम्पनी खडा गर्नुपर्छ ।’