इरानका राष्ट्रपतिद्वारा इन्टरनेट सुचारु गर्न निर्देशन, ८७ दिन लामो ‘ब्ल्याकआउट’ अन्त्य हुँदै

काठमाडौँ । इरानका राष्ट्रपति मसूद पेजेस्कियानले देशभर इन्टरनेट सेवा पुनः सुचारु गर्न निर्देशन दिएका छन् । इरानको अर्ध–सरकारी समाचार एजेन्सी ‘मेहर’ ले सञ्चार मन्त्रालयका एक स्रोतलाई उद्धृत गर्दै राष्ट्रपतिले यस्तो आदेश जारी गरेको जनाएको छ ।

इन्टरनेटको अवस्था अनुगमन गर्ने अन्तर्राष्ट्रिय संस्था ‘नेटब्लक्स’ का अनुसार इरानमा पछिल्लो ८७ दिनदेखि इन्टरनेट सेवा लगभग पूर्ण रूपमा ठप्प पारिएको थियो । इजरायल र अमेरिकाले इरानका विभिन्न स्थानमा बमबारी गरिरहेका बेला सुरक्षाको कारण देखाउँदै इरानी अधिकारीहरूले यो ‘ब्ल्याकआउट’ लागू गरेका थिए ।