अविरल वर्षा र चट्याङले सुर्खेत र दैलेखमा क्षति

अविरल वर्षासँगै आएको चट्याङका कारण सुर्खेत र दैलेखका विभिन्न स्थानमा भौतिक क्षति हुनुका साथै नागरिकहरू पनि घाइते भएका छन्। भारी वर्षाका कारण कर्णाली राजमार्गसमेत अवरुद्ध भएको छ।

बिहिबार साँझ परेको अविरल वर्षाका कारण वीरेन्द्रनगर नगरपालिका–६ स्थित नेपाली सेनाले सञ्चालन गरेको आर्मी स्कुलको कम्पाउण्डको करिब १० मिटर पर्खाल भत्किएको छ। पर्खाल भत्किए पनि अन्य क्षति नभएको प्रहरीले जनाएको छ।