कोशीको विवादित बजेट अन्ततः पारित, एक अर्ब रुपैयाँ समायोजनको सर्त

इटहरी- सत्ता पक्षकै सांसदहरूको तीव्र विरोध र बजेट पुनर्लेखनको मागबीच कोशी प्रदेश सरकारले आगामी आर्थिक वर्ष २०८३/८४ को बजेट अन्ततः प्रदेशसभाबाट पारित गराएको छ।

गत असार १ गते आर्थिक मामिला तथा योजनामन्त्री विदुरकुमार लिङ्थेपले प्रस्तुत गरेको ४० अर्ब ४४ करोड ९८ लाख रुपैयाँ बराबरको बजेट बिहीबार बसेको प्रदेशसभा बैठकबाट पारित भएको हो।