एमाले रूपान्तरणसम्बन्धी शंकरको प्रतिवेदन बादलले गरे पुनर्लेखन, शुक्रबारको बैठकमा पेस हुने

काठमाडौँ । नेपाल कम्युनिस्ट पार्टी (एमाले) का महासचिव शंकर पोखरेलले यसअघि तयार पारेको 'पार्टी सुदृढीकरण, रूपान्तरण र पुनर्जागरण' सम्बन्धी प्रतिवेदनलाई उपाध्यक्ष रामबहादुर थापाले पुनर्लेखन गरेका छन् ।

अध्यक्ष केपी शर्मा ओलीको निर्देशनमा बादलले पुनर्लेखन गरेको उक्त प्रतिवेदन रातोपाटीलाई प्राप्त भएको छ । उक्त प्रतिवेदन ३९ पृष्ठ लामो छ । नयाँ प्रतिवेदन शुक्रबार बस्ने ‘निर्वाचन समीक्षा र पार्टी पुनर्गठन कार्यदल’ को बैठकमा पेस गरिने एक नेताले बताए ।