आफ्नो प्रतिवेदनमा माधव नेपाललाई पनि छाडेनन् बादलले, पुरानो राजीनामाको प्रसङ्ग निकाले

काठमाडौँ । नेकपा (एमाले) का उपाध्यक्ष रामबहादुर थापा ‘बादल’ ले पार्टी अध्यक्ष केपी शर्मा ओलीको प्रतिरक्षा गर्दै तयार पारेको ३९ पृष्ठ लामो काउन्टर प्रतिवेदनमा तत्कालीन महासचिव माधवकुमार नेपालको पुरानो राजीनामा प्रकरणलाई समेत उधिनेका छन्।

चुनावी पराजयपछि ‘नैतिकता’ का आधारमा नेतृत्व छाड्नुपर्ने भन्दै महासचिव शंकर पोखरेलले अघि सारेको तर्कलाई खारेज गर्ने क्रममा बादलले २०६४ सालको पहिलो संविधानसभा निर्वाचनपछि तत्कालीन महासचिव नेपालले दिएको चर्चित राजीनामाको विषय उल्लेख गरेका हुन् ।