पर्यटकीय गन्तव्य बन्यो तेह्रथुमको छातेढुंगा

२६ असार, तेह्रथुम । तेह्रथुमको आठराईमा विक्रम संवत १९८१ साल माघ १८ गतेका दिन सुकलाल कन्दङवाले निर्माण गरेको ढुंगाको छाता यतिखेर भने पर्यटकिय स्थल बनेको छ ।

आठराई गाउपालिका–५ मा रहेको यो छातेढुंगा हेर्न तथा घुमफिर गर्नुका लागि पर्यटकहरु टाढा टाढाबाट आउने थालेका छन् । आठराईकै पहिचानसँग जोडिएको छाता जस्तो ढुंगा हेर्न कै लागि त्यहा पुगेको छथर गाउपालिका-३ पञ्चकन्याका फौदराज लिम्बुले बताए । उनले भने ‘इतिहासलाई जोगाउने कार्य भएकोछ ।’