एमाले पुनर्गठन कार्यदलको प्रतिवेदन लेखनको जिम्मा बादल र शंकर पोखरेललाई

काठमाडाैं। नेकपा (एमाले) को पार्टी शुद्धीकरण, सुदृढीकरण, रूपान्तरण तथा पुनर्गठन सम्बन्धी कार्यदलले देशव्यापी रूपमा संकलन गरिएका सुझावहरूका आधारमा अन्तिम प्रतिवेदन तयार पार्ने जिम्मेवारी कार्यदलका संयोजक रामबहादुर थापा ‘बादल’ र महासचिव शंकर पोखरेललाई सुम्पेको छ।

एमाले केन्द्रीय कार्यालय च्यासलमा बिहीबार बसेको कार्यदलको बैठकले देशका विभिन्न १३ स्थानमा सञ्चालन गरिएको सुझाव संकलन अभियान सफलतापूर्वक सम्पन्न भएको निष्कर्ष निकाल्दै प्राप्त राय र सुझावहरूलाई समेटेर प्रतिवेदनलाई अन्तिम रूप दिने निर्णय गरेको हो। पार्टी अध्यक्ष केपी शर्मा ओलीको समेत विशेष उपस्थिति रहेको उक्त बैठकले अभियानलाई प्रभावकारी बनाउन सहयोग गर्ने सबै कमिटी र नेता-कार्यकर्ताप्रति आभार प्रकट गरेको छ।