लोमान्थाङमा भूकम्पबाट ३० भन्दा बढी घर पूर्णरूपमा क्षतिग्रस्त

यही भदौ २३ गते लोमान्थाङ केन्द्रविन्दु भएर गएको भूकम्प तथा त्यसपछिका पराकम्पनका कारण मुस्ताङको लोमान्थाङ गाउँपालिकाका विभिन्न स्थानमा ३० भन्दा बढी घर पूर्णरूपमा क्षतिग्रस्त भएका छन् ।

ढुङ्गा र माटोले बनेका घरहरूमा भूकम्पले ठूलो क्षति पुर्‍याएको हो । गाउँपालिकाका अध्यक्ष टसीनर्बु गुरुङका अनुसार वडा नं ५ बाहेक अन्य वडामा सयौँ घरमा क्षति पुगेको छ । क्षतिको विवरण सङ्कलन बुधबारदेखि सुरु गरिएको छ ।