त्रिपुरेश्वर घटनामा ट्राफिक प्रहरीकव संलग्नता नरहेको प्रष्टीकरण

काठमाडौँ उपत्यका ट्राफिक प्रहरी कार्यालयले त्रिपुरेश्वरस्थित राहदानी विभाग अगाडि आत्मदाहको प्रयास गरेका मुगु सोरु गाउँपालिका–१ का २५ वर्षीय गणेश नेपालीलाई ट्राफिक प्रहरीले जरिवाना (फाइन) तिराएकै कारण उक्त घटना भएको भन्ने प्रचार पूर्णतः तथ्यहीन र भ्रामक भएको जनाएको छ।

कार्यालयले शुक्रबार जारी गरेको प्रेस विज्ञप्तिमा सामाजिक सञ्जाल र विभिन्न सञ्चारमाध्यममा ट्राफिक प्रहरीले गणेश नेपालीलाई जरिवाना गरेको र त्यसकै कारण उनले आत्मदाहको प्रयास गरेको भन्ने सामग्री सम्प्रेषण भइरहेकोप्रति गम्भीर ध्यानाकर्षण भएको उल्लेख गरेको छ।