नेपाल टेलिकमको लिखित परीक्षाको मिति सर्‍यो

काठमाडौँ । नेपाल टेलिकमले विभिन्न पदका लागि सञ्चालन हुने लिखित परीक्षाको मिति सारेको छ । टेलिकमले सामाजिक सञ्जालमार्फत लिखित परीक्षा कार्यक्रम संशोधन गरिएको सूचना प्रकाशित गर्दै परीक्षाको नयाँ तालिका सार्वजनिक गरेको हो।

टेलिकमको पूर्वप्रकाशित विज्ञापनअनुसार लोकसेवा आयोगले गत साउत ६ मा लिखित परीक्षाको कार्यक्रम सार्वजनिक गरेको थियो। उक्त सूचनाअनुसार मिति भदौ १३ गतेदेखि १७ गतेसम्म सञ्चालन हुने तय भएका विभिन्न पदका लिखित परीक्षाहरूको मिति परिवर्तन गरिएको छ।