दीपकराज गिरीले गरे बाढीपीडितलाई तीन लाख सहयोगको घोषणा

काठमाडौं– नेपाली फिल्मका अभिनेता दीपकराज गिरीले बुधबार रसुवाको भोटेकोशीमा आएको बाढीबाट पीडित बनेकाहरुका लागि राहत कोषमा तीन लाख रुपैयाँ सहयोगको घोषणा गरेका छन् ।

उनले यस अवस्थामा सरकारले पीडितको खोज, उद्धार, राहत र पुनर्स्थापनाका लागि मागेको सहयोगमा सानो भए पनि बल थपिने भएका कारण आफ्नो कम्पनी आमा सरस्वती मुभिज प्रालिका तर्फबाट हाललाई प्रधानमन्त्री राहत कोषमा ३ लाख रुपैयाँ सहयोग उपलब्ध गराउने जानकारी दिएका छन् ।