झापामा स्कुटर दुर्घटना : एक जनाको मृत्यु

झापा : झापाको कमलमा स्कुटर दुर्घटना हुँदा एकजनाको मृत्यु भएको छ । कमल गाउँपालिका-२ छलफल चोकस्थित भित्री सडक खण्डमा केर्खाबाट समयगढतर्फ जाँदै गरेको मे ११ प १६१८ नम्बरको स्कुटर बिहीबार साँझ ६:४० बजे आफै अनियन्त्रित भई दुर्घटना भएको हो।

दुर्घटनामा परी स्कुटरको पछाडि सवार धादिङ जिल्ला थाँक्रे गाउँपालिका ११ स्थायी घर भई हाल कमल-६ निवासी ३० वर्षीय राजन तामाङ गम्भीर घाइते भएका थिए । उनको निम्स अस्पताल दमकमा उपचारको क्रममा साँझ ७ः३० बजे मृत्यु भएको जिल्ला प्रहरी कार्यालय झापाले जनाएको छ ।