सम्बन्धका गाँठा फुकाउने प्रयासमा अक्षरा

आगामी भदौ २६ गते रिलिजमा आउने फिल्म अक्षराको कथाको संकेत गर्नेै पोस्टर सार्वजनिक गरिएको छ।

निर्माता उग्रसेन ढुंगानाको जन्मदिनको अवसर पारेर सार्वजनिक पोस्टरमा फिल्मका मुख्य कलाकार सुशील सिटौला र न्यान्सी खड्कालाई प्रस्तुत गरिएको छ। उनीहरू विपरीत दिशातर्फ फर्किएको मुद्रा र अनुहारमा देखिएको गम्भीर भावले सम्बन्धमा आएको दूरी, असमझदारी, विछोड वा परिस्थितिले सिर्जना गरेको तनावको संकेत गर्छ। पृष्ठभूमिमा देखिएको धमिलो भीडले उनीहरूको व्यक्तिगत सम्बन्धमा समाजको प्रभाव र दबाबसमेत झल्काएको छ।