अंग प्रत्यारोपण समन्वय समितिको अध्यक्षका लागि आवेदन आह्वान

काठमाडौं- लामो समयदेखि नेतृत्वविहीन रहेको अंग प्रत्यारोपण समन्वय समितिले नयाँ अध्यक्ष पाउने भएको छ। स्वास्थ्य तथा खाद्य स्वच्छता मन्त्रालयले 'मानव शरीरको अंग प्रत्यारोपण (नियमित तथा निषेध) ऐन, २०५५' को दफा १२ बमोजिम गठन हुने समितिको अध्यक्ष पदका लागि खुला आवेदन आह्वान गरेको हो।

गत १९ वैशाखमा जारी अध्यादेशका कारण पुराना नियुक्तिहरू बदर भई यो समिति पदाधिकारीविहीन बनेको थियो। समितिको अनुपस्थितिका कारण नयाँ स्वास्थ्य संस्थाहरूले प्रत्यारोपणको लाइसेन्स पाउन सकेका छैनन् भने प्रत्यारोपण सम्बन्धी अन्य महत्त्वपूर्ण कामहरू समेत ठप्प छन्।