चालु आवमा सरकारको खर्च १५ खर्ब ६५ अर्ब: अन्तिम दिन ३३.१६ अर्ब भुक्तानी

काठमाडौं । सरकारले चालु आर्थिक बर्ष २०८२–८३ का लागि कानुनी रुपमा भुक्तानी गर्न पाउने अन्तिम दिनसम्म कुल १५ खर्ब ६५ अर्ब १३ करोड ६९ लाख रूपियाँ खर्च गरेको छ । महालेखा नियन्त्रकको कार्यालयबाट प्राप्त चैत २५ गतेसम्मको तथ्यांकले यस्तो देखाएको हो ।

आर्थिक कार्यविधि तथा वित्तीय उत्तर दायित्व नियमावली, २०७७ अनुसार आर्थिक वर्ष सकिनुभन्दा एक साताअघि सरकारी भुक्तानी रोक्नुपर्छ । ‘कार्यालयले विनियोजन ऐनले फ्रिज नहुने भनी तोकेको शीर्षकको रकमबाहेक भुक्तानी दिनुपर्ने अन्य रकम आर्थिक वर्ष समाप्त हुनुभन्दा कम्तीमा सात दिनअगावै भुक्तानी दिई निकासा र खर्चको लेखा अद्यावधिक गरी भुक्तानी निकासा बन्द गर्नुपर्नेछ,’ नियमावलीमा भनिएको छ ।