बर्ड फ्लुका कारण व्यवसाय नै डुब्यो

धेरै ठुलो महत्त्वाकाङ्क्षा बोकेर होइन, आफ्नै देशमा केही गरौँ भन्ने सामान्य सोचका साथ मैले कुखुरा पालन व्यवसाय सुरु गरेको थिएँ । खोरभरि मैले स्थानीय जातका कुखुरा हालेको थिएँ । यही व्यवसायबाट मेरो र परिवारको जीविकोपार्जन राम्रोसँग चल्थ्यो ।

अहिले भक्तपुरको सूर्यविनायक नगरपालिका वडा नं. १, सिरुटारमा रहेको मेरो फार्ममा सन्नाटा छाएको छ । खोरभरि छरिएका दानाका भाँडा र रित्ता गुँड हेरेर बस्नुबाहेक मसँग कुनै विकल्प छैन ।