चीनसँग एआई चिप्समा प्रतिस्पर्धा गरिरहेको अमेरिकालाई दक्ष जनशक्तिको अभाव

एजेन्सी । हालै सार्वजनिक भएको ब्लूमबर्गको एक विस्तृत प्रतिवेदन अनुसार, अमेरिकामा अत्याधुनिक सेमिकन्डक्टर (चिप) प्लान्टहरूको निर्माण र सञ्चालनमा गम्भीर संकट आउने संकेत देखिएको छ ।

यस उद्योगका प्रमुख खेलाडीहरूले आफ्ना स्रोतसाधनहरू साझा गरेनन् र सरकारी कोषको निरन्तरता सुनिश्चित भएन भने दक्ष कामदारको बढ्दो अभावले नयाँ कारखानाहरूको निर्माणमा ढिलाइ मात्र हुने नभई भविष्यको विश्वव्यापी चिप आपूर्तिमा समेत ठूलो सीमा तोकिने प्रतिवेदनले चेतावनी दिएको छ । अमेरिकाले आफ्नो घरेलु उत्पादन क्षमता बढाउन खोजिरहेको बेला यो जनशक्तिको अभाव एक ठूलो पर्खाल बनेर उभिएको छ ।