सुकुमबासी बनेर पोखरा बसपार्कमा बस्दै आएका २३३ परिवारको अन्यत्र पनि भेटियो जग्गा

पोखरा । पोखरा बसपार्क क्षेत्रमा बसोबास गरिरहेका सुकुमबासीहरूको पहिचान गर्न गठित समितिले नगर प्रमुख धनराज आचार्यलाई प्रतिवेदन बुझाएको छ । करिब डेढ महिना अध्ययन गरेर समितिले प्रतिवेदन तयार गरेको हो ।

महानगरको प्रशासन महाशाखा प्रमुख एवं समितिका संयोजक कृष्ण तिवारीको नेतृत्वमा गठित समितिको अध्ययनले बसपार्क क्षेत्रका २३३ परिवारको अन्यत्र पनि जग्गा जमिन रहेको देखाएको छ । छानबिनका क्रममा वडा कार्यालयबाट सिफारिस भएका ५७४ निवेदनमाथि विस्तृत अध्ययन गरिएको थियो ।