रारा मसला उद्योग अनुगमन, मेशिन नचलाइ गरिएको निरीक्षणप्रति स्थानीय असहमत

लुम्बिनी। बुटवलमा सञ्चालित रारा मसला उद्योगका कारण स्थानीयले भोगेको प्रदूषण र स्वास्थ्य समस्याबारे बुटवल उपमहानगरपालिकाकी उपप्रमुख एवं न्यायिक समिति संयोजक सावित्रादेवी अर्यालको नेतृत्वको वातावरण प्रभाव मूल्यांकन इन्जिनियर सहितको टोलीले बिहीबार देवीनगरस्थित उद्योगको स्थलगत अनुगमन गरेको छ ।

बुटवल उपमहानगर वडा नं ११ सांग्रिला पथमा रहेको उद्योगको अनुगमनका क्रममा प्रभावित स्थानीय बासिन्दाहरुले उद्योगका सबै मेशिन पूर्ण रुपमा चलाएर कच्चापदार्थ पिसेर धुलोको अवस्था देखाउनुपर्ने माग गरेका थिए । साथै उद्योगसँगै जोडिएको घरमा गएर मेशिन चल्दा हुने भाइब्रेसन (कम्पन) जाँच गर्नुपर्ने उनीहरुको अडान थियो ।