सरकारलाई रक्षाको सुझाव– देश बनाउनुअघि देश बुझ

२६ असार, काठमाडौं । अगुवा जेनजी अभियन्ता रक्षा बमले सरकारलाई ‘देश बनाउनुअघि देश बुझ्न’ सुझाव दिएकी छन्। पछिल्लो समय भुइँतहका मानिसहरूले भोग्नुपरेको पीडा र सरकारको कार्यशैलीप्रति असन्तुष्टि जनाउँदै उनले सामाजिक सञ्जालमार्फत यस्तो आक्रोश पोखेकी हुन्।

जेनजी आन्दोलनका क्रममा सामान्य घाइते भएका युवा गणेश नेपालीले विहीबार गरेको आत्मदाह प्रयासको प्रसङ्ग उल्लेख गर्दै रक्षाले भनिन्, ‘गणेश नेपाली जेनजी आन्दोलनमा सहभागी थिए। आन्दोलनका क्रममा उनको हातमा सामान्य चोट पनि लागेको रहेछ। उनी त्यही आन्दोलनकारी हुन्, जो आफू बाँच्न लायक देश होस् भनेर त्यो दिन सडकमा ओर्लिएका थिए।’