प्रधानमन्त्री ढुंगाजस्तो मौन बस्न मिल्दैन, सीमाबारे स्पष्ट जवाफ चाहियो

काठमाडौँ । श्रम संस्कृति पार्टीकी सांसद राधिका रम्तेलले राष्ट्रियता जस्तो संवेदनशील विषयमा सरकार मौन बसेको भन्दै आपत्ति जनाएकी छन् । प्रतिनिधिसभाको शुक्रबारको बैठकमा प्रधानमन्त्री बालेन्द्र शाहले संसद्‌मा उठेका प्रश्नहरूको जवाफ दिनु सरकारको संवैधानिक जिम्मेवारी भएको बताइन् ।

सांसद रम्तेलले प्रधानमन्त्रीले संसद्‌मा नेपालले पनि भारतको जग्गा मिचेको छ भनी अभिव्यक्ति दिएको आज ३८ दिन भइसके पनि अहिलेसम्म न स्पष्टता आएको छ न त संसद्‌ले चित्तबुझ्दो जवाफ नै पाएको छ भन्दै जवाफ माग गरिन् । सरकारको आधिकारिक के हो त्यो संसद्‌मा प्रस्तुत गर्न माग गरिन् । राष्ट्रिय स्वाभिमानमा आँच पुग्ने यस्तो अभिव्यक्ति संसद्‌को रेकर्डबाट हटाउन उनले माग गरिन् ।