ग्यालेक्सी फोरकेलाई आफ्नो सामान लैजान महानगरद्वारा १५ दिने सूचना

काठमाडौँ । काठमाडौँ महानगरपालिकाले ग्यालेक्सी फोरके टिभीको मातृसंस्था गोरखा मिडिया नेटवर्कलाई १५ दिनभित्र घर खाली गरेर सामान लैजान सूचना जारी गरेको छ । टिभीका अध्यक्ष गितेन्द्र बाबु राईलाई घर भाडा तिरेर सामान लैजान १५ दिने सूचना जारी भएको हो ।

काठमाडौँ–३ का मृगेन्द्र प्रसाद मिश्रसमेतले ‘भाडा असुल उपर गरी घर जग्गा खाली गराई पाउँ’ भनेर दिएको निवेदनमा महानगरपालिकाको न्यायिक समितिले २०८१ कात्तिक १४ गते नै घर जग्गाको बहाल रकम र बहाल कर स्थानीय सरकार सञ्चालन ऐन, २०७४ को दफा ४७ बमोजिम प्रतिवादीबाट भराई घरजग्गा समेत खाली गराइदिने निर्णय गरेको थियो ।