रुसी तेल खरिदलाई लिएर अमेरिकी विदेशमन्त्री रुबियोद्वारा भारतको कडा आलोचना

वासिङ्टन, साउन १६ गते । संयुक्त राज्य अमेरिकाका विदेशमन्त्री मार्को रुबियोले भारतको निरन्तर रुसी तेल आयातप्रति तीव्र निराशा व्यक्त गर्नुभएको छ । यसलाई द्विपक्षीय सम्बन्धमा ‘चिढ्याउने विन्दु’ भन्दै उहाँले यस्तो खरिदले युक्रेनमा ‘युद्ध प्रयासलाई वित्त पोषण गर्न मद्दत गरिरहेको’ बताउनुभएको छ ।

“भारत एक सहयोगी हो । यो रणनीतिक साझेदार हो । विदेश नीतिमा कुनै पनि कुरा जस्तै, तपाईं सधैँ सबै कुरामा सय प्रतिशत मिल्नुहुन्न”, फक्स रेडियोका ब्रायन किल्मेडसँग कुरा गर्दै रुबियोले भन्नुभयो, “भारतसँग ठूलो ऊर्जा आवश्यकता छन् र यसमा तेल, कोइला र ग्यास किन्न सक्ने क्षमता समावेश छ जुन यसलाई आफ्नो अर्थतन्त्र चलाउन चाहिन्छ, जुन हरेक देशले गर्छ, रुसी तेल प्रतिबन्धित र सस्तो भएकाले भारतले यी ऊर्जा रुसबाट किन्छ-यसको अर्थ तिनीहरूले गर्नुपर्छ-धेरै अवस्थामा रुसले प्रतिबन्धका कारण विश्वव्यापी मूल्यभन्दा कममा बेचिरहेका छन् ।”