नयाँ आउने नेतृत्वसँग त्रि. वि. शिक्षण अस्पतालका अपेक्षा

त्रिभुवन विश्वविद्यालयमा कस्तो नेतृत्व चाहिन्छ केलाउनु यो आलेखको उद्देश्य होइन।​ तर आएको नेतृत्वले त्रि. वि. शिक्षण अस्पताललाई कसरी हेर्नुपर्छ त्यो सुझाउनु मात्र आलेखको उद्देश्य हो।

त्रिभुवन विश्वविद्यालयको मात्र नभइ समग्र देशकै गौरवको अस्पताल हो। ४३ वर्षअघि स्थापना भएको यो अस्पताल केवल शिक्षण अस्पतालमा मात्र सीमित नरहेर हाल देशभरिका बिरामीहरूको मुख्य 'रिफरल सेन्टर' बनेको छ। झन्डै ८०० शय्याक्षमता भएको यस अस्पतालमा हाल चिकित्सक, नर्स, प्राविधिक र प्रशासनिक गरी २,८०० भन्दा बढी मानव संसाधन कार्यरत छन्। यहाँ दैनिक औसत २,६०० भन्दा बढी बिरामीले ओपिडी सेवा लिन्छन् भने दैनिक औसत ६५० भन्दा बढी बिरामी भर्ना भएर उपचार सेवा लिइरहेका हुन्छन्।