राजकुमारी डायनाको ‘रिभेन्ज ड्रेस’ लिलामीमा, ३ लाख डलरसम्म पर्न सक्ने अनुमान

बेलायतकी दिवङ्गत राजकुमारी डायनाले लगाएको विश्वप्रसिद्ध ‘रिभेन्ज ड्रेस’ झन्डै तीन दशकपछि पहिलोपटक लिलामीमा राखिने भएको छ। कालो रङको उक्त आकर्षक गाउन आगामी डिसेम्बर ९ मा न्युयोर्कमा लिलामी हुने र यसको मूल्य ३ लाख अमेरिकी डलरसम्म पुग्न सक्ने अनुमान गरिएको छ।

ग्रीक डिजाइनर क्रिस्टिना स्टाम्बोलियनले डिजाइन गरेको यो शरीरसँग टाँसिने, काँध खुला रहने रेशमी पोसाक डायनाले सन् १९९४ जुन २९ मा लन्डनस्थित सर्पेन्टाइन ग्यालरीको एक कार्यक्रममा लगाएकी थिइन्।