अन्तर्राष्ट्रिय बजार मूल्य हेर्न मिल्ने नयाँ भन्सार प्रणाली सुरु

काठमाडौं- भन्सार विभागले अन्तर्राष्ट्रिय बजार मूल्यसमेत हेर्न सकिने नयाँ भन्सार मूल्यांकन डाटाबेस प्रणालीको औपचारिक सुरुआत गरेको छ । विभागका अनुसार यस प्रणालीले पैठारी हुने वस्तुको कारोबार मूल्य निर्धारणमा भन्सार प्रशासनलाई प्रत्यक्ष सहयोग पुग्नेछ ।

सोमबार अर्थ मन्त्रालयमा आयोजित कार्यक्रममा अर्थमन्त्री डा. स्वर्णिम वाग्लेले उक्त प्रणालीको औपचारिक शुभारम्भ गरेका हुन् । नयाँ प्रणाली कार्यान्वयनसँगै अन्तर्राष्ट्रिय व्यापार प्रक्रिया थप सहजीकरण हुने अपेक्षा गरिएको छ ।