रसुवा बाढीपछि २० बढी शवको स्थान संकेत दिने एपीएफकी कुकुर ‘साम्बा’

काठमाडाैँ- यही भदौ १० गते भीषण बाढीले घरहरू पुरिएका र बस्ती नै बगाएका रसुवामा सशस्त्र प्रहरी बल, नेपाल (एपीएफ) की स्निफर कुकुर ‘साम्बा’ ले करिब दुई सातादेखि भग्नावशेषमुनि पुरिएका शवहरूको खोजीमा उद्धार टोलीलाई सघाइरहेकी छन्।

डेढ वर्षीया ल्याब्राडोर प्रजातिकी साम्बा जिल्लाका सबैभन्दा प्रभावित क्षेत्रमा खोज तथा उद्धार टोलीसँगै खटिएकी हुन्। एपीएफका हवल्दार सीताराम कोइरालाका अनुसार उनले हालसम्म करिब २० वटा बढी शवको स्थान पहिचान गर्न सहयोग गरिसकेकी छिन्।